Endalok sauðfjárbúskaps!

Það tók ekki langan tíma hjá núverandi ríkisstjórn að taka þá ákvörðun að stefna að endalokum hefðbundins landbúnaðar í Íslandi. Enginn möguleiki er fyrir íslenska bændur að keppa við innfluttar landbúnaðarvörur í verði. Gæðin segja fátt í þessu sambandi, verðið verður það sem stjórnar því hvað keypt er.

Það er gott að þetta sé komið á hreint, þá er einfaldlega hægt að pakka saman í sveitum landsins, hóa fé af fjalli í haust og leiða til slátrunar. Mikill munur verður að ferðast um landið eftir þessa stórkostlegu  breytingu, ekkert sem truflar höfuðborgarbúann á ferðalaginu, engar vegarollur, engir bændur á afgömlum traktorum að flækjast fyrir.

Reyndar verður nú eitthvað lítið um þjónustu, engar búðir, þannig að innflutta hráa kjötið verður að kaupa í Reykjavík og hafa í kæliboxinu, sjoppur fáséðar og því verða rauðu bensínbrúsarnir,  sem kanninn var auðþekktur af, aftur komnir á topp bílanna sem um landið dröslast. Já, dröslast, í það minnsta um Suðurlandið, því enginn virðist viljinn hjá ráðherrum þessarar ríkistjórnar vera til að leggja peninga í vegabætur í dag, hvað þá þegar þeir verða búnir að hrekja 90% íbúanna í burtu með illa ígrunduðum lagasetningum.

Það er vont fyrir bændur landsins að hafa svona ráðherra í brúnni. Ráðherrar þessarar ríkistjórnar eiga eftir að koma flestu í hendur einkaaðila, Baugur flytur til okkar ketið á góður verði, þangað til íslenska ketið verður horfið, þá selja þeir það dýrt.
Heilbrigðisþjónustan verður orðin einkavædd innan fárra ára, ríkið veður orðið svo aumt að við verðum einfaldlega sett í hendurnar á þeim í Brussel.

Þetta er ekki góð stjórnun.

Landbúnaðarráðherra boðar tímamótabreytingu

Athugasemdir

[anna (IP-tala skráð) 5.4.2008 kl. 17:07]

Guð forði okkur frá þessum ósköpum. Ég bjó 30 ár erlendis og var löngu komin með ógeð á grænmetinu, kjötvörum og mjólkurvörum sem eru massaframleidd fyrir milljónaþjóðir. Íslendingar hafa ekki samanburðinn nema að þeir hafi búið erlendis. Síðan ég flutti heim í hitteðfyrra hef ég notið þess að borða eingöngu íslenskar afurðir, og þær eru ódýrari en samskonar gæði sem fást bara í bio-búðum erlendis, og íslenskar afurðir eru lostæti! Ég vil byðja þessa háu herra að hugsa sig um! Og ég bið íslendinga upp til hópa að vara sig!!! Enginn veit hvað átt hefur fyrr en misst hefur!

[Valdi Kaldi, 6.4.2008 kl. 11:17]

Alveg furðulegt hvað menn einblína stöðugt á matarverð hérna á þessu skeri.  Menn ná ekki upp í nefið á sér ef menn þurfa að kaupa lambalæri af bestu gerð fyrir þrjú til fjögur þúsund en rífa svo glaðir upp veskið ef kaupa þarf flatböku fyrir sama verð.  Annars er það ekki matarverð sem tæmir buddurnar okkar heldur þau sjáfsögðu mannréttindi að hafa þak yfir höfuðið og komast á milli staða.  Það kostar hvítuna úr augunum og annað nýrað.

[Kári S. Lárusson (IP-tala skráð) 10.4.2008 kl. 00:13]

Sæll Helgi,

Þetta er þarfur og góður pistill hjá þér. Tek undir þetta allt saman.

Kveðja,

Kári Lár.

[bpm (IP-tala skráð) 14.4.2008 kl. 22:19]

legg til að stofnað verði bændaverndafélag eins og náttúruverndarfélag og bætt verði við olíugjaldið öðrum 20kr á lítran við hliðina á umhverfisgjaldinu sem á að verða 20kr á lítran