Hundhamarinn

Hundhamarinn á að hrynja ef í Vesturbænum er á sama tíma grá kvíga og vinnumaður. Á þetta hefur ekki reynt og verður ekki í  bráð, því beljurnar eru dauðar og kvígan því tæplega væntanleg.

Hundhamarinn gnæfir yfir bænum og fátt sem bendir til annars en sáttartóns í garð okkar mannanna og vináttan og virðingin í hans garð frá okkur er alger. Austan við hann standa vaktina, Leppalúði og Grýla, kynjamyndir sem bera við himinn frá bænum séð og eru hluti af þeirri algeru sálarró þegar maður horfir til fjallanna sinna. 

Eins og þessir hlutir hafa áhrif á mann, getur maður rétt ímyndað sér hve djúp áhrif þessir hlutir hafa haft á forfeður mína,  þegar þeir áttu allt sitt undir náttúrunni og hæfileikunum til að lesa úr þeim merkjum sem voru til staðar.

Rafstöðin  situr sem fastast í brekkunni fyrir neðan og man tímana tvenna.

Ég hefði viljað lifa þessa tíma.

 

Athugasemdir

[Valdi Kaldi, 13.4.2009 kl. 09:41]

En þá værir þú orðinn hundgamall núna!!!!

[HP Foss, 13.4.2009 kl. 09:57]

Já, svo léttur og skemmtilegur.

[steinimagg, 14.4.2009 kl. 22:48]

Flott mynd, það er greinilegt að þú hefur haft fyrir því að labba á réttan stað fyrir myndatöku.

[Sigurður Hreiðar, 15.4.2009 kl. 18:37]

Flottur sumarbústaður!

[Tóta í Miðbænum (IP-tala skráð) 15.4.2009 kl. 22:05]

Svona er þetta á Fossi, engin þörf fyrir að labba um og finna réttan stað fyrir myndatöku, maður smellir bara af! Þarna til dæmis hefur Helgi rölt rétt upp fyrir girðingu og hallað sér örlítið aftur og Klikk, myndin komin ;)

[steinimagg, 15.4.2009 kl. 23:14]

Já smá rölt dugar líka vel, enda er myndin flott.

[Valdi Kaldi, 17.4.2009 kl. 09:22]

Ég veðja á að HP hafi tekið þessa mynd sitjandi á fjórhjólinu sínu.

[HP Foss, 17.4.2009 kl. 12:22]

Og nei,nei. þetta var hvorki rölt né hjólatúr, þetta var í lok svaðilfarar upp í Foss og myndin er tekin ofan í rafstöðvarlæknum við afar erfiðar aðstæður, ligjandi á vömbinni.

[Kristín Jónsdóttir, 18.4.2009 kl. 08:41]

Já þær eru margar kynjamyndirnar. Kanntu nokkuð sögu um Hestinn?