Hundalíf

Það er fæstum efst í huga að lifa hundalífi. Það er yfirleitt tekið sem dæmi um lélegt líf. Hvað svo sem lélegt líf er, er svo ekki gott að skilgreina. Hundurinn hefur mikla hæfileika til að sætta sig við það líf sem honum er boðið uppá. Hundurinn gerir sér það að góðu sem hann hefur, notar þó tækifærið til að létta sér tilveruna, sjái hann tækifæri til.

Það myndu  nú ekki allri slá hendinni á móti slíkum siðvenjum

Detti manni í hug að skreppa í göngutúr, sem er nú kannski ekki svo líklegt, þá vill hundurinn endilega skreppa með . Hann veltir því ekki fyrir sér hvert skuli halda, ekki hvað lengi skuli vera að heiman, veltir því ekki fyrir sér hvort þurfi að taka með sér nesti. Hann veit að fyrir því er hugsað. Hann kemur með, jafnvel þó veðrið sé þannig að hundi sé ekki út sigandi.

Ég hef reyndar ekki enn orðið vitni að slíku veðri, eða átt það latan hund.

Hundurinn getur yfirleitt látið sér líða nokkuð vel, hann getur yfirleitt um frjálst höfuð strokið. Hann fer sínar leiðir en það vill þannig til að þær leiðir eru leiðirnar sem við ætlum honum. Þess vegna hefur hundinum og manninum samið svo vel í gegnum aldirnar, þó maðurinn hafi haft tilhneigingu til að ráða yfir þessum besta vini mansins. En hundurinn lítur ekki þannig á málið.  Hafið þið lagst við  tæran fjallalæk til að svala þorstanum. Eftir langa göngu, sárþyrstur, veit maður af lækjarsprænu, skellir sér flötum og stingur andlitinu ofan í lækinn. Hundurinn fer aldrei neðan við mann, hann hefur ekki geð á því, hann fer án undantekninga ofan í lækinn fyrir ofan mann. Veður upp í kvið og skolar af sér drullu dagsins.

Hundurinn fer sínu fram, hann lætur ekki að sér hæða, hann á gott líf.

Athugasemdir

[Þórir B Harðarson (IP-tala skráð) 28.11.2008 kl. 00:27]

Sæll frændi! Ekki svo margir bloggarar í þessari fjölskyldu

svo að ég upplýsi mína hér með. Hélt reyndar að ég ætti

eina bláa zetorinn á landinu þar til ég las bloggið þitt.

Þú ert magnaður penni!   kv.Þórir í Efri-Vík

[Karl Tómasson, 28.11.2008 kl. 20:52]

Við erum hundavinir Helgi.

Bestu kveðjur frá Kalla Tomm úr Mosó.

P.s. Hvað er þetta rauða á myndinni?

[Einar (IP-tala skráð) 29.11.2008 kl. 09:04]

Það fyrsta sem mér datt til hugar var að þetta væri hitamynd og hundurinn fann engann staur notaði því, sem gæti verið Ragnar á Dal, í staðinn.

[HP Foss, 29.11.2008 kl. 09:41]

Þið verðið að skoða myndina almennilega, fremri hundurinn er sá greiðvikni, hinn aftari, sá sem rétt sést í er tækifærissinninn,  allt er frekar í lit hjá honum, skiljanlega.

[Valdi Kaldi, 29.11.2008 kl. 23:11]

Ég ætla að fá mér hund daginn sem ég verð 67 ára.  Það verður góður dagur.

[steinimagg, 30.11.2008 kl. 13:37]

Erum að passa einn íslenskan þessa dagana, það er bara gaman.

[Valdi Kaldi, 5.12.2008 kl. 13:08]

Ætli hundar spekúleri eitthvað í gengisvísitölunni?

[HP Foss, 5.12.2008 kl. 15:04]

Efaða.

[Ketill Sigurjónsson, 6.12.2008 kl. 23:38]

Já, hérna. Ég verð að tékka á þessu næst þegar við Askja lepjum saman úr einhverjum læknum. Hvort hún fer ofan við.