Sveitasæla

En kannski er það jafnvel  enn betra, að geta skroppið í sveitina sína þegar maður vill,  fylgst með börnunum sínum taka þátt í sveitastörfunum,  hoppað í heyskap, réttir og allt það sem maðurinn á svölunum í Breiðholtinu veit ekki um og saknar þess vegna ekki.  Lagst á koddann að kveldi og hlustað á Fossinn sinn.  Krakkarnir sofa til morguns, stökkva á fætur og skoppa berfætt út á tún, leika við hundana, klappa kindinni sunnan við skurð, hún lítur á lömbin sín, jarmar og sannfærir þau um að allt sé í lagi. Þetta séu vinir þeirra.

Já. sælt er að vera sveitamaður.

Athugasemdir

[Karl Tómasson, 28.8.2008 kl. 19:19]

Helgi minn.

Þetta er með sætari færslum og fallegri sem ég hef séð lengi frá þér. Hugur þinn er greinilega á Fossi þessa stundina og það er mikið gott.

Fáir ef nokkrir staðir hafa haft á mig jafn mikil áhrif. Sennilega átt þú einhvern þátt í því minn kæri og móttökur fólksins þíns.

Stundum er pínu gotta að vera væminn.

Myndin af Atla Páli er meistaraverk, sannarlega.

Bestu kveðjur frá Kalla Tomm úr Mosó.

[Valdi Kaldi, 29.8.2008 kl. 13:04]

Sæla, kannski.  Ætli maður verði ekki látinn hlaupa vestur brúnir um næstu helgi?  Ekki nenna sveitastrákarnir því.

[HP Foss, 29.8.2008 kl. 13:16]

Þú ferð létt með það, alltaf svo skrambi sporléttur. Kom sér að Lára náði sér ekki í einhvern helv hlunk. 

Hvernig ætli Jón Geir hafi það?

[Jónki (IP-tala skráð) 30.8.2008 kl. 21:39]

Hef það asskoti gott.
ég mun sitja heima og strúkja ístruna mína á meðan þið hlaupið upp og niður fjallshlíðar og eltið ullarleppa !!