Leiðindaverk.

  En þá var komið að því. Í nokkrar vikur lá þetta í loftinu, við vissum að að þessu kæmi, ræddum það aldrei, nefndum það aldrei við nokkurn mann.  Þetta var skugginn sem fylgdi sólskinsdögunum, kvíðinn var undirliggjandi alla þessa daga fram að  þessum degi. Ekkert verk var talið leiðinlegra, ekkert verk í sveitinni. Þó var þetta verk óumflýjanlegt, sérstaklega ef vorið var rekjusamt. Við krakkarnir fórum þó í þetta möglunarlaust, ég held að ég geti sagt það, því ég man ekki eftir því að maður hafi maldað í móinn yfir því sem fyrir mann var lagt,  það var einfaldlega ekki einn af möguleikunum.

Sennilega er hluti af skýringunni sá að pabbi gekk sjálfur í mestu skítverkin, hlífði okkur krökkunum við því sem hann vissi að var okkur um megn að kljást við. Þetta féll þó ekki innan þess ramma, enda fyrst og fremst leiðinlegt verk, frekar en erfitt eða ógeðfellt.

Já, það var komið að því að þurrka ullina.

þurrkun ullar á Halldórsstöðum í Laxárdal
( Við sáum líklega ekki ástæðu til að taka mynd af á þessum degi)

Athugasemdir

[Karl Tómasson, 28.5.2008 kl. 22:30]

Það er ekki allt gaman og skemmtilegt Helgi minn og það á ekki bara við um pólitíkina. Ekki einu sinni undir undurfögrum söng eins fallegasta Fosssssss og sveitar Íslands.

Aðeins einu sinni hefur þú fengið tækifæri til að fíla þögnina í Fossinum, það var í ómetanlegu meistaraverkinu. Foss á Síðu í klakaböndum. Það væri gaman að heyra um afdrif þess listaverks.

Bestu kveðjur frá Kalla Tomm.

[HP Foss, 28.5.2008 kl. 23:18]

Það verk var lánað á sýningu í Þýskalandi, til Berlínar. austurþýskur listamaður var þar með sýningu ásamt nokkrum ungum íslenskum nemum sem voru þar í borg. Verkið skilaði sér ekki aftur heim á klakann, sennilega er það mér glatað, hangir kannski uppi á vegg í Berlín.

[Karl Tómasson, 28.5.2008 kl. 23:28]

Ég á til ljósrit af verkinu, reyndar í svart hvítu. Villt þú fá það?

Bestu kveðjur frá K. Tomm

[HP Foss, 28.5.2008 kl. 23:56]

Já, takk. Þannig gæti ég auglýst eftir því. Hmmm?

[Ólafur í Hvarfi (IP-tala skráð) 30.5.2008 kl. 20:53]

Sæll Helgi,

þú varst að skamma mig um daginn vegna þess að ég benti á ákveðna aðferð sem Karl notar í pólitíkinni svo ekk sé meira sagt hér.  En það hefur vakið athygli mína að eftir að ég var búinn að svara og sýna þér svart á hvítu að Karl hafði hannað atburrðarrásina og gerst sekur um það atriði sem ég benti á, að þú hefur ekki skammað Karl fyrir að gera það sem hann gerði ??

Virkar ekki siðferðið í báðar áttir ?

Kveðja,

Ólafur