Mamma á afmæli í dag, hún Óla á Fossi

Þessi hláturmilda, trausta og góða kona á afmæli í dag.  Alltaf stendur mamma með okkur krökkunum sínum, eins og kletturinn í hafinu, ekkert fær hana til að efast um börnin sín. Setur hiklaust ofaní við tengdabörn sín, vogi þau sér að hallmæla okkur.

Í þau skipti sem ég kem einn í sveitina gerir hún sérstaklega vel við mig, þá eru oftar en ekki steikt hjörtu, í brúnni sósu, rabbabarasulta og ef sérlega vel liggur á henni, á er líka kartöflumús. Þetta lostæti kunna nú fáir að meta í fjölskyldunni og er það sennilega skýringin á því að þetta er haft í matinn í þessi skipti.

Mamma er sértaklega lagin við að sjá björtu hliðarnar á málunum,  vill gera gott úr hverju sem er , vill öllum vel. Enda held ég að hún mamma eigi sér afar  fáa óvini,  enda væri það skárri andskotinn og þá sennilega byggt á misskilningi, því hún mamma er einfaldlega besta konan í öllum heiminum, var það þegar ég var lítill og er það enn!!

Til  hamingju með afmælið mamma mín.

Athugasemdir

[Íris (IP-tala skráð) 11.5.2008 kl. 16:25]

 Til hamingju með daginn, Óla mín...og Helgi, til hamingju með mömmu þína...

kv. Truntan

[Karl Tómasson, 11.5.2008 kl. 18:25]

Til hamingju með hana mömmu þína. Hún hefur svo mikla trú á þér að þú fékkst hana til að koma á tónleika hjá Gildrunni.

Hjá mömmu þinni fékk ég besta hangiket og kartöflur sem ég hef smakkað.

Ég bið að heilsa þínu fólki.

Bestu kveðjur. Kalli Tomm.

[Mamma (IP-tala skráð) 12.5.2008 kl. 10:42]

Ég þakka góðar kveðjur, betri en ég á skilið.

Kalli mér fannst gaman á tónleikunum  (Helgi hefur kannski verið búin að heilaþvo mig) HangiKETIÐ er og verður vonandi til áfram :)

[Bergrún Ósk og Eyrún Erla (IP-tala skráð) 12.5.2008 kl. 18:11]

Til hamingju með móður þína  bið að heilsa austur í fallegustu sveitina

[Valdi Kaldi, 12.5.2008 kl. 23:02]

Það er greinilegt að Hæstvirtur Herra Helgi Pálson var ekki mættur í sveitina á sunndudagsmorguninn þegar afmælisbarnið stóð í eldhúsinu og las kallinum sínum pistilinn

[mamma (IP-tala skráð) 13.5.2008 kl. 09:01]

Þetta var nú ekki fallega skrifað af Valda :(

[Valdi Kaldi, 13.5.2008 kl. 20:40]

Ég bara varð, þetta var algjört dauðafæri

[Sigrún Inga (IP-tala skráð) 14.5.2008 kl. 10:17]

Mikið á hún mamma þín gott að eiga svona góðan son eins og þig Helgi. Hún mamma þín er líka einstök kona. Ég skil þig alveg með hjörtun í brúnu sósunni,ég fæ vatn í munninn ha ha