Fjöruferð

 Sem dagur var risinn var haldið á fjöru. Þetta var ein af þessum góðu ferðum þar sem allir Fossmenn voru saman, utan Skákarmanna sem eiga ekki fjöru. Þar voru einnig komnir sandmenn. Farið var á rússum og traktorum.

Ferðin gekk ekki vel og tók það okkur u.þ.b. 4 klst að paufast niður að Breiðuleiru. Siggi fór fremstur á Zetornum atturdrifna, alkeðjaður og þurfti að brjóta sér leið í gegnum ísinn sem ekki hélt en var samt hnausþykkur. Það hafðist að lokum og eftir að menn höfðu kastað óþolinmæðinni, var stefnan tekin á austasta melkollinn. Siggi fremstur og allt gefið í botn eftir allt helv. hjakkið.

 Rennisléttur ísinn sindraði í vestanáttinni og steig ég Massann í botn á eftir Jónssyni. Hann var með gamla sturtuvagninn attaní og það var eins og skrattinn hefði sturtað honum niður, traktorinn á nasirnar, niður um skel og hafnaði á 30 sm þykkum ísveggnum . Hann stöðvaðist á lengd sinni á augabragði.Hundarnir sitthvorumegin við Sigga, þeyttust fram í rúðu á hraða ljóssins. Skyldu þeir ekki hafa orðið hissa? Siggi greyið skutlaðist í stýrið sem bognaði. Vagninn attaní var fullur eftirvæntingar og gáska og fékk þetta líka höggið á nefið.

Ég tók strax til við að hægja niður ferðina á Massanum sem var kominn á fulla gjöf og á þvílíka ferð að ekki var ljóst í fyrstu hvernig að verki yrði staðið. Með lagni gekk það, enda Massinn vel búinn til aksturs að vetrarlagi. Siggi skjögraði út úr vélinni og eftir smá basl og viðgerðir höfðum við hann upp.

Ferðir Fossmanna austur yfir Hvalsíkið hafa aldrei verið neitt sérstakt hættuspil, menn ganga á undan með fimmtíu kílóa járnkarla enda myndu menn, "drukkna eins og kettir í poka" ef ísinn gæfi sig.

Þegar á fjöruna var komið var rekaviðurinn um allt, eins og skæðadrífa en allur beingaddaður niður í sandinn. Hefðu ekki allir menn haft burði til að ná þessum djöfsum lausum en allt gekk þetta að lokum . Heimferðin gekk vel, timrið dregið að Syðstubót og sótt seinna.                                                            Með kveðju, Helgi Páls.  

Athugasemdir

[palli (IP-tala skráð) 6.5.2008 kl. 20:26]

hvursu gamall varst þu þarna helgi?skemmtileg saga , eg se þetta fyrir mer  sem sigga a framurstefnu zetor og þu a massanum "135.165 "með sekura husi  """""hold fast i ratted and spring ikke av""""" kannast þu við þessi aðvörunarorð? kv palli

[HP Foss, 6.5.2008 kl. 21:06]

Já, alveg rétt. Maður var búinn að lesa þennan miða mikið. Held að ég hafi verið 12 ára, ca 1980, kannski 81. Nei, 80. Sigga Zetor var 79 módelið og Gauja 80. Massinn var og er 135,.

[Hvíti Riddarinn, 6.5.2008 kl. 22:33]

Reglugerð KSÍ um deildarbikarkeppni karla 2008  1. ÞÁTTTAKA FÉLAGA                    1.1 Þátttaka í deildarbikarkeppni KSÍ er heimil öllum félögum, sem tóku þátt í Íslandsmóti meistaraflokks karla 2007.  2. HLUTGENGI LEIKMANNA 2.1 Hlutgengir til þátttöku eru leikmenn sem eru félagar í því félagi, sem þeir keppa með, og uppfylla ákvæði reglugerða KSÍ um félagaskipti leikmanna.  3. FYRIRKOMULAG KEPPNINNAR 3.1 Heimilt er að skipta keppni í 3 deildir, A, B og C, eftir styrkleika liða. Keppnin skiptist í undankeppni (riðlakeppni) og úrslitakeppni (útsláttarkeppni). Tryggja skal þátttökuliðum að minnsta kosti 5 leiki í undankeppni ef unnt er. 3.2 Í undankeppni A-deildar skal 24 liðum skipt í 4 riðla, R1, R2, R3 og R4. Hver riðill skal skipaður 6 liðum og skulu þeir vera sem jafnastir og þátttökulið dregin í riðla eftir styrkleika. Heimilt er að taka tillit til landshluta við skiptingu í riðla. Við niðurröðun í undankeppni er ekki skylt að fylgja hefðbundinni fastri töfluröð. Keppnin er stigakeppni og 2 efstu lið í hverjum riðli vinna sér rétt til þátttöku í úrslitakeppni, alls 8 lið. 3.3 Í undankeppni B-deildar skal 18 liðum skipt í 3 riðla, R1, R2, og R3. Hver riðill skal skipaður 6 liðum og skulu þeir vera sem jafnastir og þátttökulið dregin í riðla eftir styrkleika. Heimilt er að taka tillit til landshluta við skiptingu í riðla. Við niðurröðun í undankeppni er ekki skylt að fylgja hefðbundinni fastri töfluröð. Keppnin er stigakeppni og efsta lið í hverjum riðli ásamt því liði sem er með bestan árangur í 2. sæti vinnur sér rétt til þátttöku í úrslitakeppni B-deildar, alls 4 lið. 3.4 Í undankeppni C-deildar skal liðum skipt í 3 riðla, R1, R2 og R3. Hver riðill skal skipaður 5 - 6 liðum og skulu þeir vera sem jafnastir og þátttökulið dregin í riðla eftir styrkleika. Heimilt er að taka tillit til landshluta við skiptingu í riðla. Við niðurröðun í undankeppni er ekki skylt að fylgja hefðbundinni fastri töfluröð. Keppnin er stigakeppni og efsta lið í hverjum riðli ásamt því liði sem er með bestan árangur í 2. sæti vinnur sér rétt til þátttöku í úrslitaleik C-deildar, alls 4 lið. 3.5 Í úrslitakeppni A-deildar taka þátt 8 lið og skal leikið skv. útsláttarfyrirkomulagi, þannig að sigurvegari leiks heldur áfram keppni en taplið er úr leik (leikið til þrautar): 8 liða úrslit:   L1: 1R1 – 2R4   L2: 1R4 – 2R1  L3: 1R2 – 2R3  L4: 1R3 – 2R2 Undanúrslit:   L5: SL1 – SL4   L6: SL2 - SL3 Úrslitaleikur:  L7: SL5 - SL6 Sigurvegari í úrslitaleik A-deildar telst Deildarbikarmeistari KSÍ. 3.6 Í úrslitakeppni B-deildar taka þátt 4 lið (1R1, 1R2, 1R3, og liðið með bestan árangur í 2. sæti riðlakeppninnar), sem leika til undanúrslita skv. ákvörðun mótanefndar. Sigurvegarar í undanúrslitum leika síðan til úrslita í B-deild. 3.7 Í úrslitakeppni C-deildar taka þátt 4 lið (1R1, 1R2, 1R3 og liðið með bestan árangur í 2. sæti riðlakeppninnar), sem leika til undanúrslita skv. ákvörðun mótanefndar. Sigurvegarar í undanúrslitum leika síðan til úrslita í C-deild. 4. TÍMABIL KEPPNINNAR 4.1 Undankeppni skal hefjast í febrúar í A-deild en í mars í B og C-deild. Úrslitakeppni skal lokið fyrir upphaf Íslandsmóts. Mótanefnd getur þó ákveðið að úrslitaleikur A-deildar fari fram síðar.
5. LEIKVELLIR 5.1 Mótanefnd ákveður alla leikstaði og er heimilt að láta leiki fara fram á heimavelli annars leikaðila. Leikir skulu fara fram í knattspyrnuhúsum eða á knattspyrnugrasvöllum, en heimilt skal þó að leika á grasvelli, ef aðstæður leyfa. Úrslitaleikur A-deildar skal fara fram á grasvelli, ef aðstæður leyfa, en annars í knattspyrnuhúsi eða á knattspyrnugrasvelli.  6. LEIKREGLUR 6.1 Knattspyrnulögin eru í fullu gildi, svo og reglugerð KSÍ um knattspyrnumót eftir því sem við á. Í leikjum í knattspyrnuhúsum gildir, að fari knötturinn í þak hússins í leik, skal leikmaður úr því liði, sem ekki snerti knöttinn síðast, taka innvarp á hliðarlínu, næst þeim stað sem knötturinn snerti þakið. 6.2 Heimilt er að skrá 18 leikmenn á leikskýrslu í hverjum leik, 11 sem hefja leikinn og 7 varamenn.  Heimilt er að skipta öllum varamönnum inn á í hverjum leik með þeirri takmörkun að aðeins er heimilt að gera að hámarki 4 skiptingar í síðari hálfleik (og/eða framlengingu þegar við á). 7. FJÁRMÁL 7.1 Þátttökugjald skal ákveðið af stjórn KSÍ (fellur niður 2008). KSÍ greiðir vallarleigu í keppninni og allan kostnað vegna dómgæslu (ekki greidd laun til dómara í undankeppni). Hvert félag skal bera kostnað vegna eigin ferðalaga og uppihalds í undankeppni beggja deilda, svo og í úrslitakeppni B og C-deilda.  7.2 Heimilt er að selja inn á leiki keppninnar. Það félag sem talið er upp á undan (heimalið) ber ábyrgð á miðasölu, en félögin geta einnig staðið saman að sölunni. Félag (heimalið) sem hyggst selja inn á leik skal hafa um það fullt samráð við viðkomandi vallarstjórn. Tekjur af miðasölu í riðlakeppni skiptast jafnt á milli leikaðila og skal uppgjör fara fram strax að leik loknum. Félag sem annast miðasölu skal tilkynna KSÍ um heildarfjölda áhorfenda (seldir miðar og aðrir áhorfendur). 7.3 Í úrslitakeppni A-deildar skal greiða lágmarks ferðakostnað, ef hann er fyrir hendi, með tekjum af miðasölu. Liðin sem leika skipta með sér eftirstöðvum (hagnaði eða tapi). Allur kostnaður vegna dómgæslu verður greiddur af KSÍ. Mótanefnd er heimilt að setja nánari ákvæði um úrslitakeppnina.  8. AGAMÁL 8.1 Ef leikmanni er vikið af leikvelli (rautt spjald), skal hann fara sjálfkrafa í bann í næsta leik. Ef leikmanni er vikið af leikvelli í annað sinn í keppninni, skal hann fara sjálfkrafa í bann í næstu tveimur leikjum. Ef leikmanni er vikið af leikvelli í þriðja sinn í keppninni, skal hann fara sjálfkrafa í bann þar til aganefnd hefur fjallað um mál hans. Sjálfkrafa leikbönn verða ekki tilkynnt með skeyti eða faxi. 8.2 Ef leikmaður hefur verið áminntur þrisvar sinnum í keppninni (3 gul spjöld), skal hann fara sjálfkrafa í bann í næsta leik. Ef leikmaður hefur verið áminntur tvisvar sinnum til viðbótar (5 gul spjöld), skal hann fara sjálfkrafa í bann í næstu tveimur leikjum. Ef leikmaður hefur verið áminntur af dómara einu sinni enn í keppninni (6 gul spjöld), skal hann fara sjálfkrafa í bann þar til aganefnd hefur fjallað um mál hans. Sjálfkrafa leikbönn verða ekki tilkynnt með skeyti eða faxi. 8.3 Deildarbikarkeppnin er sjálfstæð hvað varðar agamál og hefur ekki áhrif á önnur mót KSÍ. Leikmaður, sem á eftir að taka út leikbann í landsmóti frá haustinu áður, getur ekki afplánað það í keppninni. Spjöld og refsingar í deildarbikarkeppni 2007 flytjast ekki yfir á keppnina 2008. 8.4 Aganefnd KSÍ fjallar um agabrot, ef þörf þykir, og almennt skal starfsreglum nefndarinnar fylgt eftir því sem við á.  9. DÓMGÆSLA 9.1 Dómaranefnd KSÍ raðar dómurum og aðstoðardómurum til starfa á leiki í A og B-deildum og skulu þeir almennt vera úr hópi deildadómara KSÍ (A, B og C landsdómarar). 9.2 Dómaranefnd KSÍ raðar einnig dómurum til starfa á leiki í C-deild, en það lið sem talið er upp á undan er ábyrgt fyrir aðstoðardómurum með tilskilin réttindi (heimilt er að láta leiki í C-deild fara fram án aðstoðardómara í undantekningartilfellum).   10. STJÓRN KEPPNINNAR 10.1 Mótanefnd KSÍ skal annast skiptingu í riðla, niðurröðun leikja og stjórnar keppninni. Hún hefur heimild til að taka lokaákvörðun í málum, sem ekki eru ákveðin í þessari reglugerð eða í reglugerð KSÍ um knattspyrnumót. Hún skal taka nauðsynlegar ákvarðanir vegna frestana eða slita leikja vegna veðurs og annarra óviðráðanlegra atvika (force majeure). 10.2 Félag, sem notar leikmann sem ekki hefur keppnisleyfi með því eða notar leikmann, þjálfara eða forystumann í leikbanni, telst hafa tapað leiknum með markatölunni 0-3 nema tap hafi verið stærra, þá skal sú markatala ráða. Staðfesti skrifstofa KSÍ að þátttakandi hafi verið óhlutgengur í leik skal mótanefnd þegar í stað skrá úrslit leiksins skv. ofangreindu og tilkynna það viðkomandi félögum. Heimilt er að kæra slíka skráningu til Dómstóls KSÍ og skal kærufrestur telja frá þeim degi sem tilkynningin er gefin út. 10.3 KSÍ veitir verðlaun til félaga og viðurkenningar til leikmanna samkvæmt nánari reglum síðar.

[Valdi Kaldi, 7.5.2008 kl. 12:09]

Er þessi hvíti riddari að reyna að vera fyndinn?