Vorveiði- veiðimennska eða villimennska?

 Ég ætla svo sannarlega að vona að svokallaðir “veiðimenn” sem nú æða út í skaftfellsku árnar, fái ekki bröndu. Ekki á ég von á að mér verði að ósk minni, vegna þess að fiskurinn sem nú er á niðurleið bítur á hvað sem er. Það er gott fyrir menn sem veiða yfirleitt lítið að fara í vorveiði. Einnig er það gott fyrir menn sem ekki hafa þroska til að bíða eftir að fiskurinn komi til baka að skella sér í vorveiði. Vorveiði er kjörin fyrir menn sem ná ekki að kallast veiðimenn.

Á seinni árum hafa menn sem betur fer farið út í að veiða aðeins á flugu og sagt er að veiðinni sé sleppt, ef hægt er. Það er nú líka það eina sem hægt er að gera við niðurgöngufiskinn, nema ef vera skyldi að setja hann í ruslagáminn á Klaustri, eins og sagan hefur sannað.

Þessir menn sem vorveiðina stunda, vilja meina að þeir séu að veiða nýgengna fiska. Það fer fjarri sanni en þeir kunna að líta út sem slíkir, gljáandi á hreystrið og lúsugir. Það er hinsvegar vegna ferða fisksins fram og til baka fram að sjó og upp í ánna til að ná rétta saltmagninu í sig, kallast að smolta sig.

Mér þykir það súrt í broti að horfa upp á þetta háttarlag, áratugum saman, án þess að nokkur hreyfi mótmælum. Landeigendur sjá þarna aura og á meðan þetta er löglegt verða alltaf nokkrir gráðugir landeigendur sem þetta leyfa.

Látum af þessum ósóma, gefum náttúrunni smá sjens.

KvHelgi Pálsson. 

Athugasemdir

[Valdi Kaldi, 29.3.2008 kl. 15:07]

Heyr, heyr!!!!!!!!

[Óskar Ara (IP-tala skráð) 1.4.2008 kl. 10:25]

Heyr heyr! Óendanlega sammála, svo er það nú líka ármótaveiðin sem stunduð er grimmt, er nú hræddur um að álarnir okkar góðu væru líflegri ef potað væri betur í það, þar er verið að bjóða til sölu kolólöglega vöru,jammmm 

[Jónki (IP-tala skráð) 1.4.2008 kl. 20:47]

"Þetta var vel og viturmannlega mælt" !