Jökulsárlónið hverfur brátt

Menn hafa áhyggjur af breytingu á Jökulsárlóninu sem Jökulsá á Breiðamerkursandi rennur úr. Menn telja að þarna verði stór og mikill fjörður innan fárra áratuga. Menn hafa af þessu áhyggjur, austan Jökulsár. Við vestanmenn ættum hinsvegar að kætast hið mesta af þessu afturhvarfi til fortíðar, þegar hringvegurinn rofnar við þessar breytingar.  Ný tækifæri gefast í ferðamennskunni, ferðamaðurinn æðir ekki lengur austur á land, heldur hægir ferð sína þegar birta tekur við Skálmina eftir slagviðri Mýrdalsins. Bílarnir fara að ná fyrri gangi, þræðir og lok þorna og vinnukonurnar hætta að æða fram og til baka eftir framrúðunni. Brátt blasir jökullinn við og Síðufjöllin lyftast við sjóndeildarhring. Fagur er á fjöllum, hugsar ferðamaðurinn og hlakkar svo sannarlega til dvalarinnar.

Þegar ferðamaðurinn hefur ákveðið hvar hann gistir, hvort hann er á Bökkunum, Geirlandi, Efri Vík, Núpum eða Hvoli, er tími til að ákveða hvað gjöra skal næstu daga. tilvalið virðist í fyrstu að aka upp á Skaftárvirkjun, taka bátinn þar og sigla um Lakagígana. Jafnvel stoppa á Laka sjálfum, fara þar úr bátnum, rölta upp  á topp og fá sér síðan veglegan hádegisverð á veitingastaðnum sem þar verður, velja sér lamb, velja hvort að sé alið í Tröllahamri, Langaskeri eða í Laka sjálfum. Það yrði að vísu dýrasta steikin.

Eftir þessa dýrðarstund er beðið eftir næstu ferð bátsins og farið á ný í bílinn niður við virkjun. Farið heim á hótel og næsti dagur skipulagður. Þá er líklegt að farið verði í Skaftafell, menn skoði sig um þar og skreppi um kvöldið austur að Jökulsá og skoði þar Jökulsárstofu, þar sem hægt verður að skoða myndir af hinu forna lóni.

Svona getur hver dagurinn á fætur öðrum liðið eins  og í draumi, í faðmi stórkostlegrar náttúrunnar, þar sem hún og heimamaðurinn hafa náð fullri sátt.

Með kveðju- Helgi

Athugasemdir

[Valdi Kaldi, 28.3.2008 kl. 10:17]

hhhmmm, þegar þetta er sagt svona þá hljómar þetta nú ekki svo illa.  En hvar eigum við að smala þegar allt er komið undir vatn?

[frændi (IP-tala skráð) 28.3.2008 kl. 14:23]

takk fyrir skemmtilet blogg framan af frændi! nu ert þu orðinn eins og flestir aðrir bloggarar farinn að skrifa til að skrifa eitthvað, innihaldið bara bull utr og suður.kveð nu þessa siðu i hinsta sinn lifið heil

[HP Foss, 28.3.2008 kl. 23:40]

Kjarkur er ekki þín sterka hlið í dag, frekar en aðra daga. Móðir mín hringdi í mig að austan og furðaði sig á neikvæðum skrifum í minn garð á minni eigin síðu og þá sérstaklega það að hafa ekki dug til að setja nafnið undir. Svona lagað þekkir ekki heiðvirt fólk.

Nú hef ég IP töluna þína frá í dag og hana þekki ég. Ég veit hver þú ert!
Þú ert ekki frændi minn fyrir fimm aura. Þó þú haldir að eigum sama frændfólk, þá gerir það þig ekki að frænda mínum. Það átt þú að vita og jafnvel þó afi þinn hafi átt barn með frænku minni, þá var hún nú ekki stoltari af ræktuninni en svo að barnið var ekki við hann kennt. ( Skrítið)
IP tölur innan fyrirtækja eru af sama meiði, sömu gerðar, eru saman í pakka.

Sem betur fer hef ég ekki enn hitt neinn frænda minn sem er með þitt háttarlag.

Eins og ég hef áður sagt, leitaðu þér hjálpar, sveitungi sæll.

[Valdi Kaldi, 29.3.2008 kl. 15:02]

Mér finnst nú bara einfaldast að nafngreina kauða, mátulegt á hann fyrir skítkastið.  Ég vil að þessu tilefni hvetja þig til dáða í skrifum þínum hvort sem það er á þessa síðu eða annars staðar.  Þú ert með skemmtilegri pennum og ég veit um fjölda manns sem lesa skrif þín á hverjum einasta degi.

[Lauga (IP-tala skráð) 29.3.2008 kl. 17:59]

Já Valdi, eins og til dæmis ég - á hverjum degi. Og ef hann gleymir að skrifa þá lest ég bara eitthvað gamalt. Vandfundið svona gott blogg.
Ég vonast þó til að þurfa ekki að fara norður og niður til að komast í mína fögru sveit. En sennilega er rétt að það sé að fara fjandans til blessað lónið.

[soffia Ragnarsd (IP-tala skráð) 30.3.2008 kl. 20:19]

Já hvaða illaharðavængjaláva skrifar svona bull  ......þú ert góður penni Helgi minn og skemmtilegur bloggari ...kv. fía

[Sigrún Inga (IP-tala skráð) 1.4.2008 kl. 10:35]

Það væri nú meiri dauðinn ef þú hættir að skrifa Helgi. Sumt fólk hefur bara engan húmor og alls ekkert hugmyndaflug til að skrifa né að lesa og því þarf það að úthúða þeim sem það hafa. Skrifin þín erum með þeim allra skemmtilegustu sem maður les á þessu blessaða neti. Go Helgi

[HP Foss, 1.4.2008 kl. 14:50]

Takk fyri góð orð í minn garð, ég hef nú ekki hugsað mér að láta mann með mikilmennskubrjálæði slá mig út af laginu, get nú ekki séð að hann hafi margt til málanna að leggja á sinni síðu,  hann er bæði tuðrutjaldur og virðist leiðindaspjald.

[Jónki (IP-tala skráð) 1.4.2008 kl. 20:53]

Ég tek heilshugar undir þessi hvatningarorð til þín Helgi.
Það er virkilega gaman að lesa þessi skrif þín

[Valdi Sturlaugs (IP-tala skráð) 1.4.2008 kl. 21:34]

Spekingar spjalla.

 

Ég tel að öll umræða um jölulsárlón sé komin í hring. Auðvitað hefði verið nær að nota þá aðferð sem þjóðvejar hafa gert að sinni. Allt hjal og mal um sölu á Lakargígum er rugl og í raun eitthvað sem engum á að detta í hug. Hagfræðingar Seðlabankans ættu að gera hreint fyrir sínum dyrum og ekki að vera feimnir við það. Frjálst flæði er af mörgum talin rót vandans, flæðið á að vera heft, þeim mun betra flæði og getur það ekki verið raunin? Aumur ferðamaður er mörgum hugleikinn og allt það sem getur komið í kjölfarið, rót vandans er samt ekki endilega sú. Korktappaferðamenn leysa ekkert og í raun eigum við að vera ófeimin við að viðurkenna það. Við meigum ekki endalaust vera á stigi frummanna sem í raun veldur oft á tíðum þeim trega sem allt málið snýst um. Ég held að við verðum að fá fleirri spekinga til að spjalla um þetta svo þessi vandi leysist. Ekki gera pólitíkusarnir það.

 

Er ekki málið bara að fá Valdastofnun til að leysa vandann.

Ég veit allt.

Ég get allt.

Geri allt miklu betur en fúll á móti

Ég kann allt.

Ég skil allt.

Fíla allt miklu betur en fúll á móti.

Smíða skútu, skerpi skauta,     

bý til þrumu ost og grauta.              

Haltu kjafti.

 

Varmársamtaka Valdi Sturlaugs hjá Valdastofnun