Íslenski bóndinn.

 

 

Veturinn er ekki beint tími sem maður vildi hafa allt árið. Það er ekki svo að þetta sé óbærilegt, bara eitthvað svo ómögulegt. Blautur í lappirnar, ískalt, kemur inn og er það alltof heitt, allir að reyna að vera sáttir við snjóinn, reyna að telja manni trú um að þetta sé nú eitthvað sem allir alvöru íslendingar eigi að þola, þetta sé bara hollt. Hafið þið séð svertingja í sólbaði? Nei, ekki ég heldur og alveg eins og þeir geta dregið sig í skuggann, vil ég geta komið mér í skjól frá norðan garranum. Komast í hitann og hafa það notalegt. Það má samt ekki vera of heitt, alls ekki. Ekki  þannig að maður þurfi að fara úr bolnum og ekki þannig að það sæki að manni óstöðvandi þorsti.

 

Það þýðir að ekki er í boði að eiga heima á Spáni eða þess háttar stöðum.Ef maður fer svona yfir málið, þá er maður nú bara á því að þetta sé bara skásti kosturinn. Kostur  sem ekki allir fá að kjósa, kjósum samt ekki yfir okkur óstjórn og sundurlyndi. Kjósum ekki yfir okkur stjórn sem eyðir íslenskum landbúnaði. Lanbúnaðarhéruð landsin eru mjög verðmæt. Hvað væri Skaftárhreppurinn án bændanna  og sauðkindarinnar? Það væri einfaldlega ekki neitt. Ekkert nema einn og einn sérvitringur fótgangandi á sumrin. Þar væri engin þjónusta af neinu tagi, ekki verslun, heilsugæsla, bankar, ekkert.

Það er ekki hægt að hlusta endalaust á það að það eigi að losa um verndartolla og höft á innflutning á landbúnaðarvörum. Þá yrðu fluttar inn vörur í ómældu magni  og þær seldar á slikk, þar til íslenska bóndanum hefur verið útrýmt. Þá hækka viðskiptajöfrarnir verðið upp úr öllu valdi til að græða meiri peninga. Til að geta átt stærri einkaþotu, til að geta ráðið fleiri lögfræðinga til að breiða yfir sorann sinn. Hvar verða íslenskir neytendur þá? Hvað ætla neytendasamtökin þá að kaupa ost á Ritzkexið sitt? Hafið þið reynt að nota evrópskar mjólkurvörur?

Hafið þið reynt að borða útlenskt lamakjöt? Bjakk og aftur bjakk.

Stöndum vörð um  landið okkar, ekki aðeins jökulár, móa og mela. Lika íslenska bóndann.

kv

HP Foss

Athugasemdir

[Karl Tómasson, 19.1.2008 kl. 23:17]

 

Hrútsmerkið er rolla, ég meina karlkyns rolla þ.e. hrútur. Rollulegheit er aftur á móti ekki að finna í eðli hrútsins (sjá frekar fiskinn). Frekja er í eðli hrúta, ójá. Rollur segja Meeee. Hrútar segja Meeeeeessaðu EKKI í mér ..og þú ættir að sleppa því ! ... hornin geta meitt. Allir hrútar eru ýtnir og halda að þeir viti allt betur en aðrir og þeir ryðjast alltaf á undan í röð.. tramp tramp, skvamp og ýt ýt, komast áfram, vera fyrstir - jebb, það er best að koma sér bara úr veginum. Hrútsmerkið stjórnast af Mars, sem er guð af  "Ég vinn, þú tapar"-heimspekinni.

 

Nautið er karlkyns belja, ég meina þá auðvitað naut. Beljur gefa manni mjólk, naut gefa manni ósköp fátt nema kannski blakandi nasavængi og hvöss ég-rek-þau-í-gegnum-þig horn. Nautin taka það sem þau vilja, þegar þau vilja það - matinn þinn, uppáhaldsstólinn þinn, tíma þinn, orku þína, peningana þína, dótið þitt - þau eiga þetta allt og mega allt. Nautin fljóta í gegnum lífið og éta allt sem á vegi þeirra verður. Sjálfselsku ónytjungar! Nautsmerkið stjórnast af Venus sem er gyðja dóts og fjármuna.

 

Tvíburarnir eru alltaf kleyfhuga geðsjúklingar. Þeir geta ekki staðið kjurrir í eina mínútu og svo ljúga þeir stöðugt! Fljóthuga, óákveðnir,flöktandi og algerlega gersamlega klikkaðir. Ekki umgangast tvíbura til lengdar nema þú viljir verða endilega geðveikur.  Hann elskar mig, hann elskar mig ekki, hún elskar mig, hún elskar mig ekki. Þú munt aldrei vita rétta svarið. Tvíburamerkið stjórnast af Merkúr, guði geðsjúkra hugarleikja

 

Krabbamerkið er krabbi og það er ekkert flókið. Röfl, væl og kvartanir, endalaus fyrirtíðaspenna, hvort sem um er að ræða karlkrabba eða konudýr. Einstaka sinnum þegar tunglið er í réttri stöðu verður krabbinn öskrandi geðveikur. Það er eina hvíldin frá endalausu vælinu í honum. Ekkert er nógu gott, enginn hjálpar nógu mikið til, þú borðar ekki nógu vel, bla bla bla. Það er ekki hægt að þóknast þessu liði. Eina lausnin er að stinga þeim ofan í brennheitt vatn og sjóða þá í potti. Krabbamerkið stjórnast af hinu spúkí tungli og hinum villtu, vanþakklátu sjávarföllum.

 

Ljón eru einfaldlega villidýr. Ljón spranga um eins og herrar og ungfrýr fullkomin, alveg eins og heimiliskötturinn þinn. Ég meina, líttu á köttinn þinn - til hvers eru kettir eiginlega? "Gefðu mér að borða. Sjáðu á mér hárið. Er ég ekki fullkominn? Klappaðu mér, dáðstu að mér, leiktu við mig - farðu svo" - hvæs, klór. Þau leika ekki listir, gera ekki það sem þú segir þeim og þau fara úr hárum. Það er allt og sumt. Ljónsmerkinu er stjórnað af sólinni, hr. Geisla sjálfum.

 

Meyjur eru ekki skemmtilegar. Þær eru hreinar og fölskvalausar og mjöööög smámunasamar. Ekkert og enginn er nógu góður fyrir meyju. Þær stara á þig með borandi augnaráði, og muna alla þína veikleika og galla. Þær þykjast vera vinir þínir og hjálpa þér en allan tímann eru þær flissandi og hlæjandi bakvið þig. Ekki treysta þeim í eina mínútu! Meyjan stjórnast af Merkúr sem er guð ofurjafnvægis.

 

Fólk í voginni er alltaf allt úr jafnvægi. Þær reyna og reyna að gera hlutina rétt en þeim tekst það aldrei. Þær bæta smá öðru megin á vigtina, pínu hinum megin og aðeins í viðbót þangað til að þær eiga svo mikið af drasli að þær verða að halda bílskúrssölu eða leigja bás í Kolaportinu. En það gera þær auðvitað aldrei og þær vilja alltaf aðeins meira. Meiri ást, meiri skartgripi, meira gaman, meiri peninga, meiri fegurð, fleiri vini bla bla bla... Vogin stjórnast af Venus - sem er gyðja fegurðar sem á fullt af frábæru dóti.

 

Sporðdrekamerkið er vondur, stingandi sporðdreki, eitrað meindýr, undirförult og hættulegt sníkjudýr myrkursins. ALDREI treysta sporðdreka. Sporðdrekar treysta þér ekki og þeir drepa þig án þess að hugsa sig um tvisvar. Ef þú ferð vel með þá gætu þeir hugsanlega orðið þokkaleg gæludýr - ef þeir eru í búri auðvitað. Sporðdrekinn læðist um allt óséður, kemst inn í hugsanir þínar og drauma og stelur þeim eins og þjófur um nótt. Ertu ekki hrædd(ur)? Sporðdrekinn stjórnast af Plútó sem er guð kjarnorkusprengjunnar.

 

Bogmaðurinn er sjálfhverfur, trampandi og hneggjandi hestur. Forðaðu þér af leiðinni... af því flest allir bogmenn eru með augnskjól svo að þeir geta ekki horft til hliðanna og sjá ekkert yfir hvað þeir eru að koma sér í. Þeir segja líka alltaf nákvæmlega það versta sem hægt er að segja í stöðunni einsog; "hei-þú ert miklu ellilegri og feitari en síðast þegar ég sá þig" eða "hvað er þetta eiginlega þarna framan í þér?" Þetta er ekki hreinskilni, þetta er bara grimmd. Bogmannsmerkinu er stjórnað af Júpiter, hinum upphaflega sá-sem-allt-veit-best !

 

Steingeitin er geit. Leiðinda frek steingeit. Svona geit sem lítur út fyrir að vera gömul og svikul. Þeir hengslast upp fjallið jájá, með öllum þeim undirföru og andstyggilegu trikkum sem þeim dettur í hug. Og svo eru þær með uppkrulluð horn, alveg eins og djöfullinn sjálfur. Steingeitur nota og misnota þig á alla mögulega vegu til þess að fá sínu framgengt. Þeim er alveg sama þótt þær þurfi að éta sorp eða þótt það taki óralangan tíma, þeir skulu bara ná sínu fram. Steingeitin stjórnast af Satúrnusi, hinni eilífu föðurímynd.

 

Vatnsberinn er villtur vatnastrákur eða stelpa. Þetta er fullkomlega ábyrgðarlaust fólk. Þeir hafa einungis eina reglu; ef það er gott, þá gera þeir það. Vatnsberar eru alltaf með flókin og greindarleg plön í gangi sem þeir síðan hlaupa frá án þess að hugsa sig um tvisvar. Þeir segja þér eitt og láta síðan einhverja fáránlega hugmynd teyma þá alveg til Timbúktú. Ekki einu sinni láta þér detta í hug að reyna að fylgja vatnsbera eftir, þetta er blautt, sleipt og geðveikt lið. Vatnsberinn stjórnast af Úranus, guði eldinga, rafmagns og hjólreiðamanna.

 

Fiskamerkið ... hmm, fiskur? Eða, eiginlega tveir fiskar að synda í gagnstæða átt- alltaf týndir. Fólk í fiskamerkinu lifir í stöðugum ótta vegna þess þeir vita að hættulegar fiskaætur leynast alls staðar ... fylgist bara með því hvernig þeir skjótast um, snarruglaðir og illa fyrirkallaðir. Fiskar geta ekki verið á beinu brautinni í tvær sekúndur og þú þarft ekki annað en að henda út gómsætri beitu þá eru Fiskarnir mættir á sekúndubroti, tilbúnir að bíta á agnið. Auðveldir þessir fiskar nefnilega (eiginlega eins og rollur), Fiskarnir stjórnast af Neptúnusi, guði friðar, ástar og ruglings.

[Valdi Kaldi, 20.1.2008 kl. 20:51]

Kalli virðist aftur farinn að reykja.

[Karl Tómasson, 21.1.2008 kl. 00:29]

NÁMSKEIÐIN
Það eru 12 til 20 manns á hverju námskeiði sem stendur um 6 klukkustundir. Reykpásur á ca. klukkustundar fresti. Það er boðið upp á gott kaffi og vatn. Sumir taka með sér nesti.

Námskeiðið er í fyrirlestrarformi, með stuttum viðtölum og myndrænni útfærslu á einstaka atriðum. Þátttakendur láta bara fara vel um sig og hlusta.

Þáttökugjaldið er Kr.: 25.000,- fyrir manninn, símaþjónusta er innifalin og frí framhaldsnámskeið innan 3ja mánaða frá fyrsta námskeiði.
Endurgreiðslu trygging er innifalin fyrir þá sem ekki ná árangri eftir þrjú námskeið innan þriggja mánaða.

NÁMSKEIÐ FYRIR SÉR HÓPA, jafnvel utan Reykjavíkur ef næg þáttaka næst.

EINKA-NÁMSKEIÐ gegn auka gjaldi - ef óskað er.

HVAÐ GERIST?
Á námskeiðinu öðlastu skilning á reykingagildrunni sem gerir þér kleift að verða hamingjusamlega laus við tóbakkið eða nikótínlyfin. Ólíkt og aðrar aðferðir þá virkar þessi þveröfugt við viljastyrksaðferðina. Í lok námskeiðsins reykirðu ekki framar einfaldlega af því að þig langar ekki til þess. Einungis með því að öðlast þetta hugarástand, verður það ánægjulegt fyrir þig að hætta.

Á námskeiðinu lærirðu, skref fyrir skref:

• Hvernig heili þinn var plataður til trúa því að reykingar
  veittu þér einhverja nautn eða ánægju
• Hversvegna reykingamenn trúa því að þeir geti ekki hætt,
  eða þá að það sé verulega erfitt og að hætta
• Hvernig þú getur fjarlægt óttann við það að hætta
• Hvernig þú getur eytt efanum um ákvörðun þína að hætta
• Hvernig þú getur séð reykingar eins og reyklausir sjá þær
• Hvernig þú losnar við þörfina fyrir viljastyrk
• Hvernig þú getur nálgast það að hætta sem ávinning - en ekki tap
• Hvernig þú getur litið á sígarettuna sem vandamálið - ekki lausnina
• Að þú ert ekki að kasta frá þér vini - heldur óvini

Hvaða skoðanir sem þú hefur, hvernig sem reykingasaga þín er... komdu með opinn huga og þú munt upplifa öflugustu stundir lífs þíns.

VILJASTYRKS AÐFERÐIN EÐA EASYWAY
Allar hinar aðferðirnar eru viljastyrks aðferðir. Það skiptir ekki máli hvort þú notar plástra, tyggjó, nálastungu eða dáleiðslu, þær leiða allar til þess - fyrr eða síðar – að við stöndum frammi fyrir lönguninni í sígaretturnar og þá þarftu að nota viljastyrk.

Það eru margar ástæður til þess að viljastyrksaðferðin klikkar, en aðal ástæðan er sú að reykingamönnum finnst þeir alltaf vera að missa eitthvað sem veitir þeim einhverja nautn eða ánægju. Þessi tilfinning skapar gífurleg átök í okkur: þú vilt hætta – en þig drep langar að reykja!
Þetta stríð þeytir þér inn í tilfinningaöngþveiti og þú færð jafnvel líkamleg einkenni sem reykingamenn upplifa þegar þeir reyna að hætta á viljastyrknum.
Margir þeir sem ná því að hætta með viljastyrks aðferðinni eru oft kvíðafullir, “áttavilltir” og bitrir - og þeir verða alltaf að vera á varðbergi. Við þekkjum öll einhvern sem hefur lennt í þessu og stór hluti af ótta okkar við það að hætta er einmitt að við munum lenda í þessum hörmungum.

Eina leiðin til þess að verða algjörlega og hamingjusamlega reyklaus er að losna alveg við löngunina.

Easyway aðferðin er eina aðferðin sem fjarlægir þessa löngun í sígarettuna/tóbakkið/nikótínlyfin. Þegar löngunin er farin er ekkert stríð –
og þá er enginn vandi að hætta og það verður ótrúlega ánægjulegt og sterk upplifun þegar maður veit að maður er loksins laus.

ENDURGREIÐSLU TRYGGINGIN
Frá upphfi námskeiðanna 1983 hefur verið boðið upp á endurgreiðslu-tryggingu.
Ef þú ert ennþá reykjandi innan þriggja mánaða frá fyrsta námskeiðinu og hefur innan þessara þriggja mánaða lokið við Easyway-prógrammið, þ.e. komið á a.m.k. tvö viðbótarnámskeið (ekki endurtekning á fyrsta námskeiðinu) endurgreiðum við þér námskeiðsgjaldið.
Eina krafan sem við gerum er að vilji þinn í upphafi til að hætta sé einlægur.

Flestum nægir bara fyrsta námskeiðið. Ef þú lendir í vandræðum þarftu að gera heiðarlega tilraun til að ná strax í okkur. Ef þú fellur, þarftu að hafa samband innan sólarhrings frá því að þú byrjar aftur að reykja til að skrá þig á framhaldsnámskeið. Sé þetta ekki gert verður endurgreiðslu tryggingin ógild.

Endurgreiðslu tryggingin verður sömuleiðis ógild ef þú mætir meira en 15 mínútum of seint eða mætir ekki á eitthvert námskeið. Sama gildir ef þú afboðar þig eða frestar komu á eitthvert námskeið.
Skrifleg umsókn um endurgreiðslu sendist innan þriggja mánaða frá fyrsta námskeiði til:

[Jónki (IP-tala skráð) 22.1.2008 kl. 10:58]

Mikið er ég feginn að hafa aldrei reykt !!