Syfjaðir kennarar

Það var eitthvað við þennan árstima í gamla daga sem gerði það að verkum að vikurnar ætluðu aldrei að líða. Skólinn virtist endalaus, kennararnir geðstirðir, stelpurnar ljótar og langt heim. Gott samt að sjá þangað. Myrkrið hékk yfir öllu mannlífi sem var hálfgert harðlífi. Allir dagar eins, vakna í skólann, bíða eftir að komast heim. Þar var allt í föstum skorðum, mamma með eitthvað gott í gogginn þegar heim var komið.  Þá var að velja um að fara út eða skella sér í heimanámið á undan. Ég held að ég hafi alltaf haft sömu röðina á því.

Venjulega var hægt að finna sér eitthvað að gera úti við,  alltaf þó að moka flórinn, ef ekkert annað betra bauðst. Ekki þó að skilja að maður hafi gengið um óður í vinnu. Nei, öður nær,  þetta var einfaldlega dægrastytting sveitamannsins, að snudda í kringum pabba sinn í búskapnum. Ég er ekkert viss um að ég vildi skipta á því og einhverju öðru,  hvað svo sem það kynni að vera.  Ekki að skilja að ég sé að segja að mín dægrastytting hafi verið betri önnur dægrastytting. Ég kunni bara vel við þetta og þekkti svo sem fátt annað.

Annars var það magnað hvað maður gat verið svangur þegar maður koma heim úr skólanum, algerlega glorsoltinn. Var ekkert búinn að fá síðan um hádegi, þegar maður koma heim rúmlega fjögur.  Hafði þá einnig verið á barmi taugaáfalls af hungri,  enda höfðum við ekki fengið ætan bita frá því rúmlega átta um morguninn, þegar að hádegissverði kom kl tólf eða hálf eitt.

Þetta hékk í að vera í  lagi, svona eftir á séð.

Nú er öldin önnur, sjónvarpið hefur tekið að sér að stytta börnunum tímann, endalaust efni á mörgum stöðvum og óneitanlega er þetta afskaplega auðveld barnapössun, maður getur hangið á netinu óáreittur í marga klukkutíma. 

Það er afskaplega auðvelt að gleyma sér á netinu, klukkutímum saman,  langt fram á nótt. Þetta sér maður gjarnan á færslum bloggara hér á Moggablogginu,  menn eru að setja inn færslur þegar klukkan er jafnvel langt gengin í tvö að nóttu og eiga að mæta í kennslu hjá börnunum okkar að morgni. Hætt er við að flætt geti yfir engi og tún á slíkri nóttu án vitundar bóndans.

Það er ekkert frekar fullorðnu fólki hollt að hanga í tölvunni fram á nætur frekar en börnunum, það getur hæglega valdið geðstirðnum hjá kennurum samtímans, líkt og það sem kallaði fram ónotin hjá kennurunum í gamla daga.

Athugasemdir

[Karl Tómasson, 13.1.2008 kl. 19:38]

Þetta var falleg og skemmtileg færsla hjá þér Helgi minn eins og svo margar hjá þér um sveitina þína.

Ég er algerlega sammála þér með þessa næturbloggara, þetta er ekki hægt þetta næturbrölt.

Góðar kveðjur til betri helmingsins.

Bestu kveðjur frá Kalla Tomm.

[Soffia Ragnarsd (IP-tala skráð) 15.1.2008 kl. 13:49]

Sæll Helgi já timinn er annar i dag en var þegar þú varst ungur ,,,,það er gaman að lesa bloggið þitt .....ertu nokkuð farinn að eldast mikið ????......þú hefur gott minni .........það er gott að vera hreinskilinn Helgi minn og það ert þú.....en ef þer verður á þá biðuru afsökunnar það kann eg vel við ....haldu áfram strákur ......já já Gleðilegt ár ...bestu kveðjur soffia R