Hræddur umhverfisráðherra.

Skelfing var að heyra að umhverfisráherra skyldi senda fyrirhugaða virkjun Dalsbóndans í umhverfismat. Maðurinn er búinn að leggja þvílíka vinnu í allskonar rannsóknir fyrir hinar og þessar nefndirnar að mann algerlega blöskrar. Og umhverfisráðherra tekur sér marga mánuði í að hugsa málið, hvort eða ekki skuli þessi heimarafstöð fara í umhverfismat.

það kom fram í fréttum að hætta væri á verulegum spjöllum á Skaftáreldahrauninu við lagningu vegar meðfram Hverfisfljótinu inn í Hnútu.  Ja, þvílíkt bull. Hún ætti að fara á staðinn og skoða aðstæður, áður en hún lætur svona vitleysu frá sér í sínu nafni.

Ég held að við séum að sigla inn í umhverfi þar sem umhverfðir umhverfissinnar halda ráðamönnum þessarar þjóðar hreðjataki, þannig að þeir þora sig ekki að hreyfa nema þessu fólki þóknist.

Svona vinnubrögð eru ráðherra til skammar.

Athugasemdir

[Valdi Kaldi, 15.11.2007 kl. 17:42]

Svo er eitt dálítið skrýtið.  Það má ekki leggja hestagötu úti á landi án þess að það þurfi að fara í umhverfismat og hvað og hvað en svo opnar engin vinstri grænn munninn þó svo að allt land í nágreni höfuðborgarsvæðisins sé bara malbikað.  Það er fullt af fallegum stöðum í nágreni okkar hérna fyrir sunnan sem hafa verið eyðilagðir.  Sjáið þið td. Vallahverfið í Hafnarfirði.  Ef að sótt hefði verið um að fá að byggja þetta hverfi austur í Eldhrauni þá hefði svarið örugglega verið þvert nei en allt í fína lagi fyrst það er hérna fyrir sunnan.  Þá sjá menn í gegnum fingur sér með alla skapaða hluti sem snúa að umhverfisvernd (nema í einum dalverpi hjá Kalla í Mosó).  Mér finnst þetta óréttlæti á háu stigi.