Réttlætið sigrar á Klaustur.is

Lokins hefur gestabókinni á Klaustur.is verið lokað. Þetta gat ekki gengið lengur og hefur hin ágæta sveitastjórn á staðnum stöðvað ærumeiðingar í garð brottfluttra Skaftfellinga.   Nafngreindir einstaklingar voru þar lagðir í einelti, sakaðir um að skrifa aðeins bull og þvælu, hafa ekkert málefnalegt fram að leggja, vera á móti öllu sem breyta átti í gömlu heimahögunum.  Fátt mátti orðið skrifa á síðuna án þess að vera snupraður fyrir.

Svona netdólgar eru sem betur fer stoppaðir af í dag og vonar maður að menn sjái að sér því það er ekki hægt að flytja upp í sveit, hlaða í kringum sig víggirðingar og leggja fæð á okkur hin sem áttum þar heima og erum á þann hátt bundin staðnum tilfinningaböndum.

Þetta er sennilega í ætt við afbrýðisemi,  mörgum mönnum er jú meinilla við fyrri eiginmenn konu sinnar.  Villja hvorki heyra af þeim né sjá.

 

Athugasemdir

[Karl Tómasson, 27.10.2007 kl. 19:07]

Þeir koma greinilega víða við dólgarnir Helgi minn.

Bestu kveðjur frá Kalla Tomm úr Mosó.

[Sigrún Inga (IP-tala skráð) 28.10.2007 kl. 13:16]

Þau vita ekki afhverju þau eru að missa þarna í sýslunni. Það getur nú lífgað upp á daginn að lesa skrifin þarna inn á gestabókinni sálugu. Kannski vilja þau bara vera í skammdegisþunglyndinu og ládeyðunni. Hmmm það var þó reynt að peppa þau upp en það gekk bara greinilega ekki. Hvað ætli sé hægt að gera fyrir þau svo að það komi ofurlítið bros á annars frekar stirðnuð andlit?? Burtfluttir ættu kannski að taka sig saman og halda bara ærlega skemmtun á Klaustri....við erum svo hrikalega skemmtileg...eða erum við það ekki annars?? Mér finnst það!!!

[HP Foss, 28.10.2007 kl. 17:59]

Ég veit ekki hvað þetta er Sigrún Inga, ég neita nú að trúa því að við séum óvelkomin þarna og ég veit að fólk er þarna frekar vel á sig komið. Þunglyndið sennilega ekki meira en gengur og gerist. Hinsvegar stingur það mann að fá blautar tuskurnar frá nafngreindum aðilum  hvenær sem mann langar að leggja orð í belg eða eitthvað til málanna. Vonandi er þetta ekki viðhaft þar sem nafngreindir aðilar vinna. Nafngreindir aðilar ættu að hugsa sér nær, áður en þeir fara að klaga í oddvitann.
Ef nafngreindir aðilar gætu lagt saman tvo og tvo, þá hefðu þeir getað séð í gengum skrif Njarðar og séð kátínuna í skrifunum frekar en taka þetta eins og persónulegum árásum.

Mér finnst þetta nafngreindum aðila til minnkunar.

[Valdi Kaldi, 29.10.2007 kl. 09:20]

Mér finnst þetta líka pínu gerræðislegt.  Hefði nú ekki komið betur út ef viðkomandi færslur í gestabók hefðu bara verið teknar út og sveitastjóri eða ábyrgðarmaður vefsíðu sett inn smá komment og beðið fólk um að gæta orða sinna.  Nei, nei, bara að fara auðveldu leiðina og loka þessu bara í stað þess  að reyna að sætta menn.  Ætli næsta mál verði að loka Klausturveginum ef einhver keyrir of hratt þar.  Það er auðveldast, þá keyrir enginn of hratt þar framar.

[HP Foss, 29.10.2007 kl. 21:24]

Kíktu á þetta Halla.

http://www.sudurland.is/skrar//1193315450.pdf

[Sigrún Inga (IP-tala skráð) 1.11.2007 kl. 10:52]

Nei hjálpi mér nú!!! Hvurslags spéhræðsla er þetta??? Við megum nú eiga það að við höfum aldrei skrifað undir dulnefni og hana nú og hæna. Ég segi nú bara....aumingja fólkið að eiga svona bágt!!!!