Veiðiþjófar í Skaftafellssýslum.

Gunnar Ingi Gunnarsson skrifar ágæta grein í morgunblaðið í dag og fjallar þar um ormaveiði, veiði á laxi með ormum. Þar rekur hann aðdraganda þess að menn hættu að veiða laxinn á orm og hann segir menn nota eingöngu flugu í dag, ef ég skil hann rétt.

Hann telur að enginn alvöru veiðimaður noti maðk og getur það vel verið. En getur verið að hluti af þessum "alvöru veiðimönnum" stundi vorveiði á sjóbirtingi? Getur verið að  þessi "fagmennska" taki aðeins til laxveiðinnar og þessir svokölluðu veiðimenn þjóti í dauðans ofboði þann 1. apríl ár hvert í skaftfellsku árnar til að veiða niðurgöngufiskinn?

Menn eru að vísu farnir að veiða þarna á flugu og segjast sleppa því sem veiðist, enda varla mikill fengur í slíkri veiði sem þessari. Siðleysið er þó það sama.

Þessa veiði á að banna með öllu til að fiskurinn fái frið til að ganga til sjávar, því eins og þeir vita sem til þekkja, bítur hann á næstum hvað sem er á þessari leið. Er þar kannski komin skýringin á áhuga þessara "veiðimanna", ef til vill er þetta þeirra eina von til að fá fisk.

Ábyrgðin liggur hjá landeigendum, þeir sjá stundargróðan, mikil sala á leyfum á vorin, í sumum tilfellum eru þeir einnig með gistingu í boði og stinga því hausnum í sandinn, ef það þá þarf til.

 

Athugasemdir

[Valdi Kaldi, 8.10.2007 kl. 18:19]

Þarna er ég sammála.  Ég er nú oft búinn að hleypa upp kaffitímum með því að lýsa andúð minni á þessum veiðiskap því oft er það svo að þegar menn taka tal saman að þá spyrjast menn fyrir um það hvaðan menn séu.  Þegar fréttist að maður sé af Síðunni fara menn að tala um veiði og þá verður fjandinn laus.  Menn þykjast veiða þarna nýgenginn spikfeitann fisk sem er jú andstætt öllum náttúrulögmálum.  Síðan rekst maður á fiskinn í ruslagámnum úti á Klaustri þegar maður fer að henda afrakstri vorhreingerningarinnar.  Það er kannski það sem veiðimenn meina með því að segjast sleppa fiskinum.  Þeir sleppa honum í ruslagáminn úti á Stjórnarsandi.

[jóhann páll (IP-tala skráð) 8.10.2007 kl. 19:39]

Eg er ekki viss lengur. Fiskurinn virðist ganga mjög seint nu orðið, getur ekki verið að menn séu að veiða fisk í april sem hefur gengið i desember?Kannski væri svarið að lengja veiðitimann fram á haustið eins lengi og menn nenna að berja?hvenær er fiskurinn hryngdur? Landeygendur hljóta að hafa rétt til þess að ná sem mestum hagnaði af eign sinni sem er háð því að kaupandi veiðileifa verði var við fisk, hver sem árstíminn er.

[HP Foss, 8.10.2007 kl. 20:36]

Aðuvitað er mikið betra að lengja tímann fram á haustið. Fiskurinn hættir að taka þegar hausta tekur. Landeigendur og veiðifélög eiga að sjá sóma sinn í að ganga vel um árnar og friðun á vorin er hluti að slíkri umgengni.

Það skiptir ekki máli hvenær fiskurinn gengur, veiðiskapurinn er eftir sem áður aðeins fyrir aula.

Þar að auki er það ótækt að á  stað eins og í Vatnamótum sé setið um fiskinn þegar hann kemur úr ánum sem í mótin renna. Þetta veit Páll.

[Hallgerður Langbróók, 8.10.2007 kl. 21:58]

neei,, Helgi Pálsson, nú ertu að missa þig aðeins.

[Jónki (IP-tala skráð) 12.10.2007 kl. 21:15]

Halló, halló, litli "litli netaveiðikall"  þú ert nú einn af þessum bóndaköllum sem að leigir alræmdum vorveiðidrápurum Fossálana, er það ekki ??

Fuss og svei !!! 

[HP Foss, 13.10.2007 kl. 18:44]

Nei, Jón Geir. Ég vil ekki þurfa að segja þér allt tvisvar, í Fossálum er ekki leyfð vorveiði, hinsvegar er hún leyfð í Vatnamótum, eigendur þeirra eru sepparnir sem þú borgar fyriri að fá að veiða í Hólmunum.