Klaustur.is ?

Skelfing er nú að horfa uppá doðann á klaustur.is. Skammirnar sem við fengum í fyrra fyrir að skrifa á síðuna eru mér í fersku minni, var þar vegið að átthagatryggð minni svo um munaði. Ég varð að sjálfsögðu við ósk heimamanna og hætti skrifum hið snarasta á síðu þeirra, enda ekki ætlun mín að ergja, hvorki fyrrum sveitunga mína, né þá sem þangað fluttu seinna.

Ég held að þar hafi þeir sem mest hörðu sig í frammi, bæði undir nafni og dulnefni,  átt frekar að halda sig til hlés. Síðan er nokkurnvegin dauð, fátt er skrifað og seint. Viðburðir fást ekki skrifaðir í viðburðardagatalið ( ef marka má skrif heimamanna) og annað eftir því.

Hefði nú ekki verið skárra að umbera okkur brottflutta og leyfa okkur spekúlera um hitt og þetta,  ræða það sem á döfinni er og fleira í þeim dúr.  Jafnvel þótt stöku gagnrýni hafi komið fram.

En svo var ég að hugsa, kannski líður þeim ,sem um sveitina mína hafa að gera, eins og við brottfluttir séum einhverskonar fyrrverandi makar sveitarinnar, gamlir kærastar eða kærustur, sem núverandi makar vilja ekkert af vita.

Nú þá skil ég þetta afar vel.

Athugasemdir

[Valdi Kaldi, 7.8.2007 kl. 21:02]

Nú hefur smiðurinn líklega hitt naglan á höfuðið.

[Karl Tómasson, 7.8.2007 kl. 22:23]

Eða naglinn höfuðið á honum.

[Soffia Ragnarsd (IP-tala skráð) 8.8.2007 kl. 15:37]

Já svona er lifið Helgi minn .þetta er ekki sama klaustrið og þegar við áttum heima þar .maður þekkir nokkrar hræður þar i dag og þá einhverja gamlingja á aldur við mig....enda verður fjör á klausturhólum þegar við hittumst þar öll ......Eg  veit að þar verða kvöldvökur og bar og dansað á fimmtudögum og brjálað fjör og við skrifum allt i gestabókinna 

[Rúnarsdóttir, 10.8.2007 kl. 17:39]

Ef það verður rætt eitthvað meira um að virða skoðanir annara hérna þá æli ég!