Vorveiði

Ég ætla svo sannarlega að vona að svokallaðir “veiðimenn” sem nú æða út í skaftfellsku árnar, fái ekki bröndu. Ekki á ég von á að mér verði að ósk minni, vegna þess að fiskurinn sem nú er á niðurleið tekur hvað sem er.
Það er gott fyrir menn sem veiða yfirleitt lítið að fara í vorveiði.
Einnig er það gott fyrir menn sem ekki hafa þroska til að bíða eftir að fiskurinn komi til baka að skella sér í vorveiði.
Vorveiði er kjörin fyrir menn sem ná ekki að kallast veiðimenn. Á seinni árum hafa menn sem betur fer farið út í að veiða aðeins á flugu og ég held að veiðinni sé sleppt, ef hægt er. Það er nú líka það eina sem hægt er að gera við niðurgöngufiskinn, nema ef vera skyldi að setja hann í ruslagáminn á Klaustri.Þessir menn sem vorveiðina stunda, vilja meina að þeir séu að veiða nýgengna fiska. Það er fjarri sanni en þeir kunna að líta út sem slíkir, gljáandi á hreystrið og lúsugir. Það er hinsvegar vegna ferða fisksins fram og til baka fram að sjó og upp í ánna til að ná rétta saltmagninu í sig, .Mér þykir það súrt í broti að horfa upp á þetta háttarlag, áratugum saman, án þess að nokkur hreyfi mótmælum. Landeigendur sjá þarna aura og á meðan þetta er löglegt verða alltaf nokkrir gráðugir landeigendur sem þetta leyfa.
Kv
Helgi Pálsson. 

Athugasemdir

[Karl Tómasson, 3.4.2007 kl. 19:35]

Það væri best á þá bölvaða að fá niðurgang eftir að hafa étið niðurgöngufiskinn.

Kær kveðja. Kalli Tomm.

[Valdi Kaldi, 3.4.2007 kl. 22:21]

Heyr, heyr.  Margt pexið er ég nú búinn að eiga við misvitra veiðimenn út af þessu.  Það er svo komið að ég er hættur að nenna að benda mönnum á þetta.  Þeir verða bara bandvitlausir.  Vil benda Kalla á að það er engin hætta á því að veiðimenn fái niðurgang af niðurgöngufiskinum því það vita þeir sem vilja vita að þeir leggja hann sér ekki til munns.  Fólk hefur verið að rekast á þetta í ruslagámum td. í minni sveit.  Sveiattan!!!!

[Karl Tómasson, 4.4.2007 kl. 01:30]

Valdi ert þú tengdur Helga?

Kær kveðja frá Kalla Tomm.

[Hrafnhildur Rós (IP-tala skráð) 4.4.2007 kl. 06:58]

Gleðilega páska og góða veiði hehe

kveðja Hrafnhildur

[Rúnarsdóttir, 4.4.2007 kl. 08:56]

Ég legg til að þessir "veiðimenn" verði settir á spíker!

[HP Foss, 4.4.2007 kl. 17:58]

Klausturbleikjan er eldisblelikja sem alin er og unnin af sértakri natni Birgis Þórissonar, doktors í eldi á bleikju og því ekki niðurgöngufiskur. Fiskar í kerum fara ekki til sjávar. Að sjálfsögðu rennur í kerin skaftfellskur lækur beint undan Skaftáreldahrauninu, sem er stærsta sía heims, vatnið sem undan því kemur er með hreinleika uppá 10.0 af 10 möguleikum og gefur bleikjunni þetta sérstaklega ferska bragð sem einkennir Klausturbleikjuna. Það er gott að sjá að þú hefur tekið eftir henni og ég hvet þig til að kaupa þér flak og prófa.

[Karl Tómasson, 4.4.2007 kl. 23:18]

Er hægt að fá hana flakaða þessa niðurgangs bleikju? Besta hangikjöt og kartöflur sem ég hef fengið var á Fossi á Síðu hjá foreldrum þínum. Ekki var það eitthvert niðurgangskjöt er það? Ég varð aldrei var við það og ég held ekki nokkur liðsmanna Gildrunnar. Við kláruðum í það minnsta tónleikana á Klaustri með stæl og yfir engann var drullað, þrátt fyrir talsverða fjósalykkt svona fyrirfram. Varst þú ekki meðal gesta með spúsu þinni sem er dýrari en Trabant í rekstri? Ég verð nú að segja að mér finnst hún líka fallegri en Trabant.

[Valdi Kaldi, 4.4.2007 kl. 23:21]

Kalli, hvað varst þú eiginlega að reykja?

[Karl Tómasson, 5.4.2007 kl. 00:22]

Ekki niðurgangsbleikju:

Kær kveðja úr Mosó. Kalli Tomm.