Mistök.

Gerði mistök um helgina. Var í sveitinni minni að vinna svolítið fyrir ömmu mína ásamt frændum mínum tveimur, Steinari og Davíð, syni Berglindar konu Steinars. Sóttist okkur verkið illa, enda annálaðir klaufabárðar í einu og öllu.  Eftir tómt basl og endalaus mistök létum við verki niður falla kl 3 eftir hádegi. Sól skein í heiði og var stefnan tekin til fjalla á. Brunuðum við inn Brunahraun í blankalogni og einstakri stemningu. Ferðin gekk vel og ekki sást til nokkurar kindar. Í Miklafelli var allt með kyrrum kjörum og hjarn á velli. Kofinn í góðu standi en einhver ferðamaðurinn hefur ekki getað látið hjá leiðast að drulla í klósettið, sem var læst, enda ónothæftað vetri til sökum frosta og vantsleysis. Verður þetta að lagast með lagni og heitu vatni. Svei þeim auma manni sem þetta gerði.
Þegar til byggða var komið beið okkar steik hjá mömmu og var tekið hraustlega til matarins. Hryggur og læri með alles.
Daginn eftri var tekið til við ömmuvinnuna á ný og sóttist verkið mun betur en daginn áður, ekkert fát og ekkert fum, hver gekk í sitt með natni.
Það var svo í bakaleiðinni , á leiðinni í bæinn, að mistökin áttu sér stað. Kjaftagangurinn var svo mikill í bílnum og ákafinn að komast að með næstu sögu af Pétri svo mikill, að ég gleymdi að loka fyrir loftinntakið í bílinn þegar við keyrðum í gegnum Vík.
Ligg því með flensu og hef gert frá því ég kom heim.

Athugasemdir

[Valdi Kaldi, 27.2.2007 kl. 17:23]

Er ekki bara Transarinn svona óþéttur?

[Jónki (IP-tala skráð) 27.2.2007 kl. 21:47]

Helgi minn, þú hefur sjálfur gert í postulínið, þú hefur bara ekki haft rænu á að skola því niður ráfan þín, í síðustu "smalaferð"

Annars helv.... gott framtak hjá þér þessi síða :-)

Kv.Jónki

[Rúnarsdóttir, 27.2.2007 kl. 23:15]

Talandi um kellingar ...

[Ágústa, Garði II (IP-tala skráð) 28.2.2007 kl. 23:05]

Sæll Helgi. Langaði bara að kasta á þig kveðju.  Gaman að finna eina svona "hreinræktaða Skaftártungu-bloggsíðu".  Á eftir að kíkja oftar hingað inn og jafnvel "kvitta".  Hver veit.  Bið kærlega að heilsa í tungurnar.  Kær kveðja úr Kelduhverfinu fyrir norðan.  Ágústa Ágústsdóttir (Svínadal).  Er sjálf með heimasíðu: blog.central.is/raudhetta78

[HP Foss, 28.2.2007 kl. 23:53]

Sæl sjálf og takk fyrir að hafa samband. Það er rétt hjá Höllu að Tungumaður er ég nú ekki, er frá Fossi á Síðu. Halla veit sennilega ekki að ég hef samt miklar mætur á Tungumönnum og dáist að dugnaði þeirra og þeim mikla áhuga sem þeir sýna búskapnum sem skilar sér til afkomendanna sem taka við af sama áhuganum.
Við urðum að finna okkur samastað eftir að vera hálf úthýst af klaustur.is af úrillum innflytjendum. Þessi síða verður að duga í bili fyrir þá sem hafa áhuga.

kv
Helgi frá Fossi

[Laufey Böðvarsdóttir (IP-tala skráð) 1.3.2007 kl. 10:49]

Mikið er nú gott að sjá að þú ert ekki hættur að skrifa alltaf svo gaman að lesa það sem þú setur á blað og minnist ég skrifa í tiltekið blað í Mosó það var algjör snild. Ákvað bara að kvitta hérna í staðin fyrir klaustur.is Soffía Ragnars og Kjartan eru komin á eitthvað fortíðar og vodka fyllerí þar held að engin annar megi skrifa þar inná :) vonandi lagast víkurflensan :):):) Laufey Böð